نكت جزائرية 01

1
الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح
2
الزواج المبكر
المذيع: أيه رأيك في الزواج المبكر؟
المسطول: يعني الساعة كام ؟!
3
موقف صعب

واحد مسطول راجع البيت كل مايحاول يفتح الباب مش شايف خرم الباب، ابنه بص له من الشباك وقال له بابا أحدف لك المفتاح قال له المفتاح معايا ياواد احدف خرم الباب.
4
الخطوات بالترتيب

اتنين مساجين اتفقوا يكسروا باب السجن ويقتلوا الحارس ويهربوا. كسروا باب السجن ملقوش الحارس قعدوا يستنوه

5
ساعة
واحد راح يشتري ساعة لقاها غالية اشترى 5 دقائق

6
الحرب على الذباب

واحد كان بيدور على مطعم نظيف، لقى محل مكتوب عليه (حاربنا الذباب) فراح داخل وأول ما جه الأكل تجمع الذباب عليه فقال للجرسون: بتقولو حاربنا الذباب وطلع كل الذبابا ده منين
الجرسون: احنا حاربنا الذباب بس هو فاز علينا !!!

7
قمة الرخامة
اثنين حشاشين واحد منهم قاعد يسمع شريط فاضي ، الحشاش التاني قالة إذا خلصت سجلهولي
8
ف الطريق العام
واحد ماشي في الشارع قابله واحد تاني شكله مش على بعضه قاله: لو سمحت من فضلك قلعني الجاكتة
نعم؟!
قلعني الجاكتة بسرعة
حاضر..حاضر وراح مقلعه الجاكتة
لو سمحت بقه فكلي زراير القميص
لاااا دانت زّودتها اوي..كده تاخد برد يقلب بنزلة شعبية حادة تاخد أجلك
من فضلك فكها..بسرعة ارجوك
ُافففف..وادي زراير القميص خلاص فكتها..دا كان يوم إيه المهبب ده, ها أي اوامر تانية؟
أيوه قلعني بقه القميص
يا سيدي عييب..مايصحش كده, دإحنا فى الشارع خللي عندك دم
أرجوك..أرجوك بسرعة..مافيش وقت
دي وقعت إيه المهببه دي, أنا كان إيه إللي جابني من الشارع ده..وادي القميص ..هاااا..إيه تاني!!
إرسملي على ظهري خطوط بالطول وخطوط بالعرض
حسبي الله و نعم الوكيل..إنت مجنون ياراجل أنت؟؟!
من فضلك..أرجوك
رسمتلك زفت بالطول وزفت بالعرض
رقملي بقه المربعات إللي إتكونت على ظهري بالأرقام من 1 إلي 40
يا صبر أيوووب..بقه إنت معطلني كل ده علشان تلعبني سيجه على قفاك؟!
بسرعة لو سمحت..أرجوك رقمهم..من فضلك مش قادر أديني رقمتهم لو سمحت بقى أهرشلي في المربع رقم 33
9
النمرة غلط
مرة واحد محشش اتصل على بيت قال محمد موجود قالوا الرقم غلط قالهم... طيب بتردوا ليه
10
الاسم ايه؟
مسطول سأل واحدة اسمك ايه؟ قالت : أسماء. فقال: يعني ما فيش اسم محدد
11
ابو الأندال
في واحد نذل طب على بيت واحدة عجوزة ملقاش حاجة يسرقها بس لقى العجوزة بردانه راح الحرامي شغل التكييف
12
ميه ميه
فيه واحد غبي قاعد يصلي وسمع اثنين بيشكروا ف صلاته، قطع الصلاة والتفت وقالهم: وكمان صايم
13
رخم
واحد رخم راح السيما لقاها فاضيه مفيهاش غير واحد بس راح قاعد وراه وقاله راسك كده شوية
14
طحن
مذيعة عملت لقاء مع أبو العربي ، سالت ممكن تحكي لنا عن حروبك ، قال لها وماله انا دخلت حرب 48 و56و67 و73 سالته كنت بتعمل ايه لو دخل عليك 10عساكر؟ قالها هفرغ فيهم خزنتين 10مللي قالت له طيب لو دخل عليك 10دبابات و20عسكري ومدرعة؟ قالها هنسفهم قالت له كويس جدا طيب لو كان دخل عليك 20عسكري و5 دبابات وطيارتين؟ قالها هو فيه ايه ؟مفيش حد كان بيحارب غيري ولا ايه؟
15
حرامي القطر
واحد ومراته وعياله التلاته كانوا ركبين القطر وبعدين طلع عليهم حرامي فقال للراجل "طلع الفلوس الي معاك" فقلهم مش معايا فلوس وضحك وبعدين الحرامي قلوا"حتطلع الفلوس ولا نرمي عيالك من القطر" قالهم مش مطلع قام الحرامي رامي عيالوا وقال "حتطلع الفلوس ولا نرمي مراتك" قالهم مش مطلع وقعد يضحك قام الحرامي رامي مراتوا من القطر وقالوا "يا راجل رمينا عيالك ومراتك وبرضوا بتضحك قام قالهم"""" منا عارف انتوا الكاميرا الخفيه""
16
المهنة تحكم
دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي قالت له ايوه فرجع ايده لورا شويه وقالها طب وكده
17
شقة للايجار
واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق
18
لعبة جديدة
اربعه بلدياتنا بيلعبو علي الطريق السريع الي العربيه تخبطه مرتين يطلع بره
19
بلدياتنا في من سيربح المليون
واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور
20
كل واحد وعلامه
واحد بلدياتنا اشتري كمبيوتر... شال الموس وحط جاموسة
21
موضة2007
مرة واحد بلدياتنا عرف ان الجلد موضة مشى عريان
22
فكرة
صعايدة عملوا أتوبيس بالعرض ليه؟
عشان يركبون كلهم قدام
23
الوحش
دا واحد صعيدي يعمل لدي كفاله شخص في الخليج أخونا الخليجي بيحب الدش جدا ومن الخوف من ملامله الأهل له لم يعلم أحد أن عنده دش الصعيدي هو حارس العمارة فقال له الخليجي انني خارج في نزهة اليوم فلا تحاول الصعود الي السطح لأنني مربي وحش علي السطح فقال له الصعيدي أبــــــشر لكن وقعت الكارثة ففضول الصعيدي غلبه في آخر النهار قال لنفسه لن أهدا الأ برؤية هذا الوحش فذهب الي السطح وخاف من فتح الباب فنظر من ثقب الباب ففر هاربا الي اسفل فوجده الخليجي في حاله متدهوره وقال له ماذا كنت تفعل فقال له الصعيدي لقد رأيت الطبق الذي يأكل فيه الوحش
24
ف الجيش
واحد بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله
اللواء "فريد" جه؟
قاله لسه ما جاش. وبعد ساعة أخرى رجع له تانى وسأله
اللواء "فريد" جه؟
قال له لسه ما جاش. وبعد ساعة جه اللواء "فريد" قاله العسكرى : أنت فين الشاويش "محمد" حيخرب بيتك.
25
بدل سكن
فيه رئيس دولة فقيرة زار أحد الدول الخليجية فاستقبله الأمير ورحب فيه وقال خذوه لقصر الضيافة، فقال الضيف الزائر لا أنا عاوز بدل سكن


26
أفلام الصيف
افلام الصيف لعام 2003

أفلام كويتية
أهلا بالأمريكان (رومانسي)
عودة صدام (رعب)

أفلام عراقية
رحيل الأمريكان (خيال علمي)
التحرير بالاحتلال (رعب )

أفلام سورية
ما نتهدد (مثير )
هذا الشبل من ذاك الأسد (تاريخي )

أفلام مصرية
تعويم الجنية (رعب)
أفلام فلسطينية
الطفل الفلسطيني (تراجدي مأساوي )
السلام مع اسرائيل (خيال علمي )

أفلام امريكية
أنا بكره اسرائيل (خيال علمي )
بترول العراق (رعب وللكبار فقط )

أفلام انجليزية
وفاء كلب (تسجيلي عن حياة توني بلير )
الديموقراطية الغربية (خيال علمي )

أفلام من شرق آسيا
سارز (رعب )
لا لأكل الكلاب والقطط (خيال علمي


27
كلب بوليسى
كلب شوارع مر من جنب قسم شرطة شاف كلب بوليسي
قال آخ لو كملت تعلمي


28
كسل فى كسل
مرة اتنين سودانيين سرقوا بنك كسلويعدو الفلوس قالو بكرة نعرف من الجرايد


29
خفة
مرة واحد راح للبقال قالة عندك سكر
قالة ايوة
قالة ربنا يشفيك


الا خيرة
ياريتنى ما طلبت حاجة
مرة واحد كان واقف فى الشارع مستنى الاتوبيس فجاله واحد تانى

قاله والنبى يا عم ماعندكش جنيه سلف

قاله بص يا ابنى عارف الميدان اللى هناك ده انت تروح هناك و تعد من على ايدك اليمين سيب اول شارع,تانى شارع,تالت شارع,رابع شارع و خش فى الخامس.سيب اول عمارة,تانى عمارة,تالت عمارة و رابع عمارة و خش فى الخامسة.اطلع اول دور ,تانى دور,تالت دور,رابع دور و بعدين لما توصل خامس دور عتلاقى سبع شقق سيب اول شقة,تانى شقة,تالت شقة,رابع شقةو بالمفتاح اللى انا مديهولك ده افتح باب خامس شقة. اول ما تدخل عتلاقى قدامك ست غرف سيب اول غرفة ,تانى غرفة, تالت غرفة, رابع غرفة ادخل الخامسة عتلاقى دولاب افتحه سيب اول رف,تانى رف,تالت رف,رابع رف و خامس رف مد ايدك عتلاقى مصحف هاته احلفلك عليه ما فيش فى جيبى و لا مليم ....